شهروندان: در ادارات دولتی اگر پشتو نفهمید، به مشکلاتت رسیدگی نمی‌شود

با روی کار آمدن مجدد طالبان، شماری از شهروندان از افزایش برخوردهای تبعیض‌آمیز در ادارات دولتی شکایت دارند. منابع به اوج‌نیوز گفته‌اند که مراجعان در صورت نداشتن تسلط به زبان پشتو یا نداشتن ظاهر مشابه کارمندان دولتی، با بی‌مهری و سردی مواجه می‌شوند.

به گفته‌ی منابع، در بسیاری موارد، اگر مراجعان لباس سنتی طالبان (پیراهن‌تنبان، ریش دراز یا کلاه) نداشته باشند، هم‌کاری لازم در روند رسیدگی به درخواست‌های آنان صورت نمی‌گیرد.

این افراد می‌گویند که چنین رفتارها باعث شده است، مراجعه‌کنندگان در ادارات دولتی احساس بیگانگی کنند و تعلق‌شان به کشور زیر پرسش قرار گیرد.