Photo: Social Media1 دقیقه خواندن
حکومت تاجیکستان، یک شهروند ۲۵ ساله از افغانستان را به قتل پدرش در شهر وحدت متهم کردهاند. بر اساس اعلام وزارت داخلهی این کشور، این رویداد روز دوشنبه، ۱۱ جوزا، در پی درگیری میان پدر و پسر رخ داده است.
به گفتهی این وزارت، مظنون که پرویز دولتزاده نام دارد، در جریان مشاجره با پدر ۵۲ سالهاش با چاقو به او حمله کرده و قربانی بر اثر جراحات وارده در محل جان باخته است.
پولیس تاجیکستان اعلام کرده که متهم بلافاصله پس از حادثه بازداشت شده و تحقیقات دربارهی انگیزه و جزییات این رویداد ادامه دارد.
خانوادهی دولتزاده حدود دو سال پیش به تاجیکستان مهاجرت کرده و در شهر وحدت سکونت داشتند. به گفتهی مسوولان کمیتهی پناهجویان افغانستان در تاجیکستان، قربانی شام روز حادثه به خاک سپرده شده است.